Kashmir nung kiralongrartemi BSF sepai asem tepset

Srinagar, June 04 (Agencies): Tanü Srinagar-Jammu NH nung Bijbehara anasa kiralongrartemi BSF sepaitem amakdang sepai asem tepset aser sepai pezü yiruogo.
Jammu & Kashmir Director General of Police, K Rajendra-i, “Iba ya tia maka tatalokba ka lir. Bijbehara anasa NH nung kiralongrartemi BSF convoy amak,” ta ashi.
Ketdangsertemi ashiba agi, tanü nikongdang 4:30 meta sorkar hospital ka anasa kiralongrartemi amakdang BSF sepai asem asü aser pezü yiru.
BSF convoy gari 23 ji Jammu nungi Srinagar-i sepaitem anir aodang amak.
Iba tatalokba atema kiralongrar telok kati danga tenüng agia mali, ajisüaka security sepaitemi iba ya Burhan Wani lenisüba nung Hizbul Mujahideen teloki amak südi ta melung malemer.