‘Housefull 3’ film-i mezüngnü sen crore 15.21 aatet

Mumbai, June 4, 2016 : Film yanglur ana, Sajid aser Farhad nati yangluba “Housefull 3” film agi India nung sayar mezüngnü sen crore 15 dak tema aatettsüogo.
Housefull film shilem asembuba telok nem Hokolbarnü sen crore 15.21 aazüktsüogo, ta sangdong ka ajanga ashi.
Iba film nung Akshay Kumar, Riteish Deshmukh, Jacqueline Fernandez, Abhishek Bachchan, Nargis Fakhri aser Lisa Haydon nungeri shilem agia lir.
Akshay, Riteish aser Jacqueline nunger atema comedy film nung shilem agiba ya tang tasen masü. Sajid Khan-i direct asüba, tesüiba Housefull film anaprong nung parnoki shilem agia lir.
“Housefull 3” film ya Nadiadwala Grandson Entertainment-i produce asüba lir.