Ni kin anemer ka liasü:Paul McCartney

London, June 6, 2016 : Britain nunger kentener telok Beatles nung kentensang Paul McCartney-i, “Ni lanuwa mapang kin anemer ka liasü saka iba yimya keta alibaji memeteti liasü aser iba mapang nisungtemi tanü asüngbo magizüktettsüla o tamajung aika jembia kin kati ka anemtepa aru,” ta ashi.

McCartney-i iba o ashiba ya Daily Mirror osang ajanga metetdaktsü.

Pai, “Tanur asüdang tangar kin anema jembiba/inyakbaji memeteti jembi/inyak aser iba mapang tangar jashitsü mesüra mejashitsü kecha mebilemdangi o tamajung aikasa jembi. Iba mapajibo aji jangratemtsüka amaisa bilem,” ta ashi.

“Item nisungtemi nai jembibaji ajanga tangar temulung yirur ta ashi. Ni tanak nisung (Negro) kanga mesapu liasü. Iba mapa nisung aikati yamajisa inyaker alitsü ta ni bilemer,” ta paisa ashi.