US Tir, Obama-i Poland o Spain na semdangtsü

Washington, June 07 (Agencies): US Tir, Barack Obama-i Poland aser Spain linük na taruba July ita semdangtsü sentong renemogo.
Obama-i Tir menden toktsüba jakdang tan Europe tatembangsüa semdangtsü sentong renemer lir.
“Ozü Tir, Obama-i taruba July ita 7-9 nü tashi Warsaw semdanga par 5 buba aser tatembangbuba NATO lenirtem den senden amenba sülen tan mezüngsüa Spain linük semdangtsü sentong renemogo,” ta White House-i osang jangjashitsü.
Obama-i Poland Tir, Andrzej Duda den senden mena par US-i Poland linük kümzüka ayutsü maparen nung maneni nungita yaritsü aser Europe nung tensa tajungba kümdaktsütsü onük benoktsü sentong aliba olen ka White House-isa metetdaktsü.
Obama-i European Union (EU) lenirtem den Warsaw nungsa senden amenba sülen pai Spain semdanga, Spain chuba, King Felipe VI aser election agia yimsüsür tasen shimba jakdang Ato Kilonser menden bena alisang, Mariano Rajoy na den ajuruteptsü sentong lir.