Bob Weir-i mezüngbuba Les Paul Spirit Award agizüktsü

June 08, 2016: Taruba Bonnaroo Music & Arts Festival alidang ‘Grateful Dead’ nungi Bob Weir nem tang mezüng Les Paul Spirit Award agütsütsü.

Les Paul Foundation ketdangsertemi, taküm küm nungi tenzüka iba award ya kümshia agütsütsü ta sangdongogo.

June 12 aonung fundraiser sentong ka nung Weir nem iba award agütsütsü, aser senpet ajanga Grammy Foundation ajangzüktsü.

“Tang mezüng Les Paul Spirit Award agütsütsü atema Bob Weir dak alaka tangarbo tetemsü mali ama ni bilemer,” ta Les Paul Foundation nung executive Director, Michael Braunstein-i ashi.

“Pa dak sempet alia dak aliba masü saka pai kentenba tsütsü tuluka inyakogo. Iba den külemi pa ya music, technology aser Les Paul tanela angatetba nisung ka lir,” ta paisa ashi.

“Tanü Les taküm ali asübo pa aser Bob na külemi TRI Studios mesüra Les’er kidang experiment agia lila,” ta paisa shisem.

Taküm Tennessee benjung nung Weir aser taoba mapang Grateful Dead züngsemtem Mickey Hart aser Bill Kreutzmann nungeri shilem agitsü.

Kasa benjungmung nung Pearl Jam, Kendrick Lamar aser Ellie Goulding nungeria shilem agitsü. Iba benjungmung ya June 9 nü tenzüktsü aser Deobarnü tembangtsü.