Katy Perry, Christina nati Hillary-i takok anguba atema benjungtep

June 08, 2016: Mongolbar aonung (June 07) Hillary Clinton-i US Tir menden atema Democratic nominee akümba sülen kentener, Katy Perry-i la nem tenüngsang agütsü.

United States küm 240 yimtenren otsü nung tang mezüng tetsür ka democratic candidate Hillary shimba sülen ‘Roar’ ken atenla Perry-i internet ajanga la nem tenüngsang agütsü.

Perry-i, “Tang tetsür aika pungmang nung dang mezüng telatetba kecha makai nükjidong yudar Nai alia inyaktetogo @HillaryClinton,” ta ashi.

Christina Aguilera-ia twitter ajanga, “@HilaryClinton nümadanga pusemer! Lai la atema dang masü saka ajaklen tetsürtem atema puti otsü yanglur,” ta ashi.

Ano nüngtugu kentener, Cher-i twitter ajanga, “Kodang ni tanur liasü, ni tetsürbo Tir (US) makümtsü ta bilem, ibaji ozüng alema lir ta ni bilem. Yasüngbo ni Hill (Hillary) dang ozü Tir ta aja,” ta ashi.

Chat show ketdangser Ellen Degeneres-ia, “Tetsür ka adokba atema ni nüma atanger@HillaryClinton”, ta ashi.