India teloki Test asaya 13 tashi India nung asayatsü

New Delhi, June 09 (Agencies): India’er cricket teloki Test asaya 13, One-Day Internationals (ODIs) 8 aser Twenty20 (T20) asaya 3 tashi India nung 2016-17 tsüngda asayatsü renemba osang ka India ajunga nung cricket asayatsüren ketdang asür, Board of Control for Cricket in India (BCCI)-i tanü sangoktsüogo.

Iba alizüng asangsang nung ajangzüktsü nükjidong nung Dharamsala, Rajkot, Visakhapatnam, Pune, Ranchi aser Indore densema, cricket asayadak tasen 6 tashi BCCI-i shimogo.

India teloki New Zealand den Test asaya 3 aser ODIs 5 asayaba sülen England dena Test asaya 5, ODIs 3 aser T20 3 tashi asayatsü renema lir.

Ano, Australia telokia 2017 küm February-March tsüngda India semdanga, India telok den Test asaya 4 tashi asayatsü renemogo.

India-i Bangladesh dena Test asaya ka Hyderabad nung asayatsü renema lir.