Champions Trophy: Belgium-i goal 2-1 agi India akok

London, June 14 (Agencies): Belgium teloki goal 2-1 agi India madak takok ngua tang tasayadak 36 buba Hero Champions Trophy hockey asayamong nung yashi, Hombar nü shilem agiogo.
Tan tamakok anguba ya India teloki asaya 3 buba nung tan mezüngsüa tamakok ajurur lir.
Yashi asaya tenzüker minute 25 buba nung Alexander Hendrickx-i penalty corner goal agüja par Belgium temaba jenjang nung ajungkettsü.
Ajisüaka, Devender Walmiki-i minute 5 süir külen, minute 30 buba nung India telok asoshi goal 1 agüja par telok anaprongla kasa jenjang kümdaktsü.
Yamaji asayar külen, asaya tenzüker minute 44 buba nung Jerome Truyens-i par Belgium telok asoshi tanabuba aser takokba goal agütsüba yong par Belgium teloki yashi asayaji kokadok.
Tan tamakok ajuruba sülen India teloki asaya 3 nung ajak agi points 4 ajangzüka lir aser par teloki South Korea den taruba asaya asayatsü lemzükogo.
Belgium-ia tan takok anguba ya asaya 3 nung tan mezüngsüa takok angur lir aser par  telokia asaya 3 nung ajak agi points 4 ajangzükogo.
Britain telokia goal 4-1 agi South Korea telok madak yashi takok ngua asayaba osang angazükogo.
World Champions, Australia telokia goal 4-3 agi Germany madak takok ngua liasü.