PWD (R&B) Minister Y Vikheho Swu-i Noklak semdang

Dimapur, June 13 (TYO) : PWD (R&B) Minister Y Vikheho Swu-i tanü Mongulbarnü Tuensang kübok aliba Noklak Division Executive Engineer PWD (Roads & Bridges) office semdang, ta sangdong ka ajanga metetdaktsü.
Noklak PWD nung EE Moanaro kübok inyakertem den olemtep akaba mapang Minister Y Vikheho Swu-i Noklak division aser Thonoknyu SDO PWD(R&B) indang litsü tasakzük shidak agüjang ta ashi.
Paisa EE Moanaro dang Noklak jila nungi yimtsüng balala den sentaktepa yanglutsü aliba lenmangtem indang project tejangja agüjang ta shisem.
Sorkar tenzükertem alitsü yanglua yutsüba ki nung tangar aliba ajanga sorkar mapa inyakertem para kidang aliba ngua Minister Y Vikheho Swu-i kanga aria bilemba olen ka shisem.
EE Noklak PWD (R&B) Moanaro-i Minister Swu dang department inyakyim rasaa ashi.
Tang Subdivision nung PMGSY kübok project 7 tashi teinyakdak lir ta lai Minister Swu dang metetdaktsüogo.