Ao Senden, Watsü aser lanurtemi aitsür

Mkg. June 14 (TYO) : Tawa Mokokchung nung arishi küm 68 tain kati küm 12 tain tetsür chanu ka taküm tashiyim agi raksatsüba mapaji taoksatsüka aser onoki kanga sashia aitsür ta Ao Senden,  Watsü Mungdang aser Mokokchung Town Lanur Telongjem (MTLT)teloktemi sangdong balala nung aija metetdaktsüogo.
Iba ama mapa jagi Mokokchung nem maksü tulu bener arutsüogo ta parnokisa ashi. Iba ama meimchir memesüki inyakba nisung nem tapet temerenshi agütsütsüla aser Eastern Nagaland Women’s Organization Mokokchung, Eastern Naga Women Organization Mokokchung (ENWOM), Eastern Naga People Union Mokokchung (ENPUM), Eastern Naga Students’ Union Mokokchung (ENSUM) aser Eastern Nagaland College Students’ Union (ENCSU) teloktemi akangba onük nung puküma nungiter ta Ao Senden, Watsü Mungdang aser MTLT teloktemisa metetdaktsü.
Tashiyim agi tetsür taküm raksatsüba mapa ya meimchir anema inyakba mapa ka lir, anungji iba ama mapa tamajung inyakba anema senso ajaki ola adoktsüla ta parnokisa metetdaktsü.