University of Minnesota-i Prince nem honorary doctorate agütsü

June 15, 2016: Kentener nüngtugu, asür Prince nem University of Minnesota-i Honorary Doctorate ka agütsüogo.

School President, Eric Kaler-i, iba award ji Minnesota nungi ‘Purple Rain’ atensang Prince-i inyakba mapatem atema lir, ta ashi.

Prince-i kodanga college-i modang, ajisüaka pai sobaliba atema inyakba, lokti tenzükba mesüra shisatsü den scholarship agütsüba atema pa nem honorary doctorate ya agütsür,” ta Eric-i sangdong ka ajanga metetdaktsü.

“Minnesota nungertem aser alima nüburtemi Prince taküm aser pai lenla ajaklen nungi inyakba mapatem atema benjungtepdang University-i iba maparen maneni inyaktsü asoshi tim mapa inyaka asür nem honorary degree agütsütsü lemtet,” ta kasa sangdong nungsa shia lir.

Iba dak alia University ketdangsertemi Prince nüngtem nung kenten sentong ka ayongtsü tebilemba lir.

Prince ya taküm April 21 nü opium overdose ajanga asü.