Küm 20 tejaklen July 31 nü mezüngbuba mobile phone ajanga jembi

New Delhi, July 31 (Agencies) : Alima nung telecom market tulutiba rongnung India tanabuba lir aser küm metsü tejaklen iba anogo (July 31) nung India nung mezüngbuba mobile phone ajanga call süa communication maparen nung temelenshi bener aru.
July 31, 1995 nü India nung taoba Union Telecom Minister Sukh Ram aser iba mapang West Bengal Chief Minister Jyoti Basu na mobile phone ajanga jembitep.
July 1995 nung Writer’s Building, Kolkata aser Sanchar Bhavan, New Delhi tsüngda o jembibaji Modi Telstra indang MobileNet service ajanga jembi.
Iba sülen nungi India nung telecommunications mapa aika inyaka aruogo aser tang alima nung telecom market rongnung tekaratiba ainba linük ka kümogo.