Tzünglu sashia aruba ajanga Manipur nüburtem aoksatep

Imphal, July 31 (Agencies): Tanü Manipur nung tzünglu kanga sashia aruba ajanga apu aser ki aika tzü agi ponger ao aser nüburtem aika pei kiojen oset bener jenshia liasü.
Tesüiba anogo ishika tzünglu maneni aruba ajanga Manipur nung nemzüka aliba tesemtem aser Chandel district nung ayong aika nung tzü metsünga liasü.
Tzünglu ajangasa tzülu aika tzü agi metsüngbangogo aser Thoubal, Etok canal Yairipok Chandrakhong nung aliba apu kabo tzü agi ponger ogo.
Tamalen Sekmai tzü tepdang shilem kabo raksa-a liasü aser Thoubal tzü tepdang-a raksaer tzü yimshidagi.
Yimtsüngtem sentaktepba apu aika tzü agi ponger aoba ajanga lenmang shibangogo, iba dak alia Nambul, Iril aser Imphal ayongtem nung tzü tali metsüngogo.