Army nung GD aser Tradesmen atema tazüngba jenjang melenshir

Dimapur, June 17 (TYO) : Linük nung mapa tapu ajak nung terenlok adokba aser India Army nung teyakyak nisung nüngdaka kümogo. Ibaji ajanga tarutsü sepai kaji tazüngba aser technical temetetba kanga nüngdaker ta reprangteter.
Anungji backward tesemtem nungi Scheduled Tribes tem Indian Army nung Soldier GD aser tradesmen tazüngba jenjang class 8 nungi 10 tashi aliba melenshir. Tarutsü mapang nungibo Nagaland aser Manipur state tem nung sepai shimba mapang tazüngba jenjang teküpoklen agüja aliba ama agitsü : –
(a) Soldier General Duty Scheduled Tribes dena telemsa ajak tesüiba mapang ama class 8 pass masü saka 2016 nungi 33% nungi overall aggregate 45% nung class 10 pass nungi agitsü.
(b) Soldier Tradesmen Scheduled Tribes dena telemsa ajak tesüiba mapang ama class 8 passed masü saka 2016 class 10 simple pass agitsü.