Lower Jail Colony nung Panchayat Hall lapok

Kohima, June 18 (TYO) : Honibarnü Additional Director of Treasuries & Accounts, Chayazo Kehie-i Lower Jail Colony (LJC) Kohima nung Panchayat Hall lapoktsü.
Kehie ya colony nung chairman lir aser pai Panchayat Hall lapoktsüdang iba ajanga colony nung alirtem aser public services ajangzüktsü ta ashi.
Smart City project nung Kohima city medensemba atema Kehie-isa ashiba agi, iba ya nisungtemi Kohima mesaklokerba masü saka asenoki nüngdakba standard matongba ajanga lir.
Sentong nung mendenji LJC Joint Secretary, Lima Longchar liasü, LJC Panchayat Pudoho Luho-i building report agütsü aser Associate Pastor NCRC PR Hill, Kohima, Medochol Sothu-i temoatsü meshia sarasadem.
Sentong nungsa LJC General Secretary, Adi Sothu-i tesentepertem pela agizük aser colony nung Women Prayer Fellowship aser Youth-i ken ajanga shilem agi aser Vice Chairman, Zapokul Visa-i anküp tepela o jembi.