Google-i tebutem anogo nüngtem nung doodle tasen ka inoktsü

New Delhi, June 19, 2016 : Online search engine tetsüdi Google-i Deobarnü tebutem anogo nüngtem nung parnok meyong homepage nung doodle tasen ka inoktsüogo.
Iba doodle nung tsüngsem tulu ana den tila ana kikimdong nung anak aitoktsü alemba lempak ka nung angur aser iba nungji Google ta zülua lir.
Iba noksa ajanga tanur ka aiendang tebu ka tsüngsü nung jajaba osang sangoktsür.
Tebu kati tanur ka anepalua anitetba bilemtetsü atema alima rangben nung küm shia June ita Deobar tasembuba ya tebutem anogo amonger.