I-Day mapang kümdanga alitsü metetdaktsür

Dimapur, July 31 (TYO) : Independence Day amungtsü ana nung lia ozüng anema mapa inyakertemi timtem bener arutsütsü ana nung dang lir, anungji nübur ajak kanga jeretpera alitsü mepishir, ta Addl.Dy. Commissioner of Police/PRO Dimapur-i sangdong ka nung metetdaktsü.
Gari lenmang anasa mesüra public tesem balala nung melung malemtsüsa osettsüsettem aliba ngura, tekaratiba nung police nem osang sangokjang, ta Dimapur Police-i metetdaktsüogo.