MTLT-i akhanger

Dimapur, June 22 (TYO) : Mokokchung district kübok Mongsenbai Ward nung transformer raksaba ajanga taoba hopta ana tashi power mongui tim atemer. Anungji, nübortem timtemba ajiteta aser talisa power supply amshia shishilembartem khuret ajuruba nung ajemdaker MTLT-i power department dang tekaratiba nung power agütsütsü metetdaktsür, ta Media Cell aser Public Grievances Cell sangdong ka nung metetdaktsü.
Bangdakpurtemi Dimapur nung yanglutsü atema bener aoba transformer ji tekaratiba nung yanglur Mongsenbai Ward nung alirtem timtem agientsüla, ta MTLT-isa metetdaktsü.