AIBA World Qualifiers: Vikas quarterfinal tongogo

Baku, June 22 (Agencies): Taoba Asian Games gold medallist, Vikas Krishan-i yashi, Mongolbar nü takok ngua asayaba sülen International Boxing Association (AIBA)-i ayongba World Qualifying Tournament quarterfinal asayatsü jenjang angur India nunger tsüngteper 3 buba kümogo.
Tan asayamong nung 2 buba jenjang abensang, Vikas-i points 3-0 agi Georgia nunger Kvachatadze Zaal madak takok ngua tsüngtepba sülen temang touzük seret 75 taret shilem indang quarterfinal asayatsü jenjangji angu.
Taoba World Championships bronze-medallist, Vikas-i Korea nunger Lee Dongyun den par quarterfinal asayatsü lemzükogo.
Külem sensopur, L Devendero Singh-i temang touzük seret 49 taret semi asayatsü jenjang ngua Rio Olympics nung shilem agitsü jenjang nguogo.
Ajisüaka, seret 64 taret aser seret 81 taret shilem nung quarterfinal asayatsü jenjang ngua alir, Manoj Kumar aser Sumit Sangwan na den Vikas-ia semifinal asayatsü jenjang anguba ajanga dang par asemi Rio Olympics nung shilem agitsü temeten ajangzüktsü.