Paris Saint-Germain-i Di Maria alizükba ajanga Manchester United akoksatsü

London, July 31 (Agencies) : Manchester United nungi asayar Angel Di Maria Paris Saint-Germain-i aotsü atema mapa inyaker saka tang tashi club ana tsüngda sen atema telemtetba magi lir.
Taoba season nung Manchester United-i Real Madrid nungi Argentina nunger Angel Di Maria alizüktsü asoshi £59.7m fee agütsü aser iba ajanga British transfer otsü tasen yanglua liasü. Ajisüaka, tang United-i Saint-Germain dang Di Maria yokdokba nung parnok £15m shi akoksatsü.
Saint-Germain-i Di Maria alizüktsü atema £40m den £5m add-ons agütsütsü shidanga lir.
United-i iba asoshi tenangzüktep magi lir aser parnok vice-chairman, Ed Woodward-i Germain den jembishinü tatembanglen kati arudar ta angazüker.
Manchester United pur summer US tour mapang Di Maria maden aser parnok tesüsaba asaya PSG den asayadang 2-0 agi tamakok angu.