Sorkar-i NDFB (P) den yimjung ita trok atsülangshir

New Delhi, June 23 (Agencies) : Sorkar-i Assam Bodo telungpur, National Democratic Front of Bodoland (Progressive) telok den olemteptsü atema yimjung mapang December 31, 2016 nü tashi atsünglangshiogo.
Telok ana tsüngda tenangzüktep ayubaji Joint Monitoring Group— Centre, Assam sorkar aser NDFB (P)—Brihostibarnü senden ka mena asadanga reprangtepa liasü.
“Iba senden nung olemtep akaba sülen linük sorkar aser NDFB (P) na tsüngda yimjung mapang ita trok atsünglangshitsü aser iba mapang sepaitemi mitba mapa kecha meinyaktsü lemtetogo,” ta Home Ministry ketdangseri ashi.
Centre-i iba telungpur telok den tesüiba küm ishika yimjung nung olemtep kayonga arudar.
NDFB (P) telok yagi Bodos kintem atema litsü balaka akhanger.
NDFB (S) telokbo tan lemtetba nung medensem.