Baptist College Kohima nung Freshers’ Social agi

Kohima, June 24 (TYO) : June 24, 2016 nü Ura Academy Hall nung Baptist College Kohima 34 buba Freshers’ Social 2016 ayongzüka agi.
Iba sentong nung tongti tesemdangerji Pro-Vice Chancellor, Nagaland University, Kohima Campus, Meriema, Prof. Pardeshi Lal liasü.
Prof. Lal-i tongti tesemdanger o jembidang, kaketshirtem dang alima mapang melenshiba den liromedema tangatetba melenshitsü aser renloktsü ayongzük.
Tazüngba nung tangar den tokteptsü tangatetba alitsüla aser tesayurtemi nenok teti yaritsü. School nungi college-i aodang, kaketshirtemi tasen angazüktsü tejangraba alitsüla, ta paisa ashi.
Sentong nung Kezholesa Dominic-i tesentepertem pela agizükdang, iba sentong ya benjungtepba ka dang masü saka kaketshir tasentemi alizüng ayutsü atema telemtetba agitsü sabang ka lir ta ashi.
Sentong nung 5th Semester, History Department kaketshirtemi “Welcome to the family” ken ajanga kaketshir tasentem pela agizük. Seniors tenüng nungi Riikhielhounuo Mere aser Freshers tenüng nungi Rhondeno C. Ngullie nati o jembi.
Sentong nung mendenji Mughato H. Zhimo aser Atingla Sangtam na liasü, Mr. & Ms. Fresher Contest tetoktepba agi aser Mhasezo Tetseo-i anküp tepela o jembi.