PM-i tamakok anguba mangyanga Bill memeyiptsütsüla: Kejriwal

New Delhi, June 25 (Agencies): Tanü AAP tongti lenir aser Delhi Chief Minister, Arvind Kejriwal-i, BJP-i Delhi assembly election nung tamakok anguba atema Ato kilonseri  ibaji mangyanga Delhi assembly nung agizükba bill tem meyiptsür, ta aitsü.
Kejriwal-i twitter ajanga, “Ni Modi dang teka amteper mepishir. Taochi liang. Delhi nung tamakok angubatu amadokang aser iba ama ya Delhi nung alirtem dang mang mayangtsüla,” ta ashi.
Ano tanga tweet ka nung Kejriwal-i, “Onoki inyakyim ajak tembanga inyakogo. Iba bill agizüktsü atema parnok tebilemba mali aser AAP sorkar inyakyim nung tetsükdaktsü bener arutsür,” ta ashi.
“Item bill sota ayutsü atema Centre dak temeten ali asü (?)” ta paisa asüngdang.
“Modi indang yimyimji, ni-a mapa meinyaktsü, aser ni tangar nema meinyakdaktsütsü,” ta pai ashi.
Delhi assembly nung agizükba bill 14 Home ministry-i meyipa agütsüogo. Ministry-i, item ozüng yangludang AAP sorkari tim inyakyim mebenshi, ta ashi.
Tesüiba hopta ishika tsüngda meyipa agütsüba bill tem rongnung Janlokpal Bill 2015,  Minimum Wages (Delhi Amendment) Bill 2015, Delhi School (Verification Of Accounts and Refund of Excess Fee) Bill 2015, Delhi School Education (Amendment) Bill 2015, Right of Children to Free & Compulsory Education (Delhi Amendment) Bill 2015 aser journalist dak sentakba Bill ka densema lir.