GPRN-NSCN tenüng amshirtem aitsür

Dimapur, June 25 (TYO) : Tesophenyu yimer Humpo Tep’er jabaso Mr. Kunri Tep aser asür Ndayhun Magh’er jabaso Shayhenlo Magh nati NSCN tenüng amer National BJP (ST Morcha) vice president Johny G. Rengma dak tim masüba mapa inyakba atema aija Kohima Police ket nung lir, ta Noben Lotha, Secretary to the GPRN Ministry of Kilo Affairs-i sangdong ka nung metetdaktsü.
CAO, Rengma  Region & Commander, Tseminyu Town Command-i iba tatalokba atema kanga junga bushisüngdangdang tenaji NSCN züngsemtem masü saka yimdaklirtem ta bushitetogo. Anungji NSCN tenüng amer mapa inyakba kukua aitsür aser NSCN-i tenaji ‘wanted’ ta züngshir, ta  sangdong nungsa shia lir.