Tanü ‘International day against Drug abuse & Illicit trafficking’ amungtsü

Kohima, June 25 (TYO) : Alima den tsüngsü medema Nagaland nunga International Day Against Drug Abuse & Illicit Trafficking anogo amungtsü.
June 26 nikongtsütsü 2:00 ako nungi Hotel Japfu Kohima nung “Listen first” omen nung ajemdaker iba sentong agitsü.
Iba sentong nung tongti tesemdangerji Social Welfare Minister Kiyanilie Peseyie aser tetushi süa jaokerji Chief secretary Pankaj Kumar na alitsü.
Sentong nung mendenji Dellirose M. Sakhrie, IAS, secretary social welfare asütsü, I. Toshitsungba, IPS, IGP Crime (PHQ), Neidonuo Angami former NMA president & Padmashree awardee aser Nino Iralu, member secretary NSLSA nungeri o tatsütsü jembitsü aser Abou Mere, director Kripa Foundation-i anküp tepela o jembitsü.