Mokokchung nung NCC Camp tembangogo

Mokokchung, June 25 (TYO) : Mokokchung nung Anogo 10 nü amongba NCC Camp ka raradang amshiba oset sayua aser nüngdakba tajungshi o shia tembangogo.
Iba camp nung adenertem Drill, Firing, Yoga, aser Obstacle Course tem nung tangazükba tulu ngur alitsü amanger. Cadet temi NCC ‘A’ aser ‘B’ atema tatidang nunga shilem agiogo.
Iba camp atemtsü anogo ka jelia cadet temi sobaliba sentong tajung ka ayonga monga liasü.
Camp tatembang sentong nung OC-i 44 Assam Rifle, Mokokchung Civil Administration, CRPF aser camp anogo 10 among piyong tesayuba agütsür, NCC ketdangsertem dang kanga pelaba metetdaktsü.