Tekolak angohdang anepaluyim kar

Tekolak angohba ya nisung ajaki ajangshir aser kanga bulur. Tekolak angohdang nisung aikati doctor bushia aoer. Ajisüaka kidang dang anepalutsü lenmanga aika lir.
Tekolak angohdang anepalutsü yimya kar yamai:
1. Lavender Oil : Iba naro ya temenemtsü ajungba dang masü saka naro dak nungi agizükba totzü ya menemba aser tekolak nung anüba ajanga angohba süngjemdaktsür.
2. Peppermint Oil: Pudina yagi shisa bulua tekolak angohba süngjemdaktsür. Iba indang totzü nung vaso-constricting aser vaso-dilating yimya lir koba ajanga temang nung azü jajaba azüoker.
3. Basil Oil: Iba süngutou nungi agizükba totzü ya teronem kanga tesashi aser tajung lir. Iba totzü ya mashi mapang tekolak angohdang menemba ajanga angohba süshidaktsür.
4. Diet Fixes : Tekolak angohba mebulutsü atema ajak dang tajungtibaji chiyungtsü asüngteta achiba ya lir. Mamatzü, chocolate, peanut butter, avocado, somomo, piyas, shi, hot dog, red wine aser shia ayuba chiyungtsütem tali achiba ajanga tekolak ngohdaktsür. Anungji item chiyungtsü kanga azüoka achitsüla.
5. Scalp Massage : Tekolak nemshiba aser ajetshiba agi tekolak tashii ngoh-a aliba anendaktsür. Bushisüngdangertemi ashiba agi tekongnem nung aliba tezütemji kanga junga menüngshia nemshiba ajanga tekolak angohba kara süngjemdaktsür.
                                                                                                                            (Source : Internet)