DFP (Nagaland & Manipur Region)-i workshop ka ayongzüka agi

Dimapur, June 27 (TYO) : June 25, 2016 nü Circuit House, Kohima nung Directorate of Field Publicity, Ministry of Information & Broadcasting (Nagaland & Manipur Region)-i Regional Workshop den Special Outreach Programme tenzükba sentong ka ayongzüka agi.
India sorkar küm ana tashi arudang mapa inyaktetbatem metetdaktsütsü nükjidong nung “My Country is changing – Marching forward” ta ser Special  Outreach Programme tenzüker.
Iba sentong nung tongti tesemdangerji Director of Postal Services, Department of Post Kohima, R.M. Patel liasü aser pai o jembidang ashiba agi, DFP, Postal department ama aser tanga department tem indang mapatem ajanga government welfare schemes takok ngudaktsür.
Service agütsüba department temji nübortem aser sorkar schemes tsüngda apu ama lir. Centre sorkari loktiliba nung tetsür aser aluyimertem dena shilem ajak asoshi scheme balala tenzüka lir. DFP ajanga osangtsüsang prokshitsü aser scheme balala kübok tangutsüpurtem mapang shitak nung teyari angutsüsa mapa inyaktsüla, ta R.M. Patel-isa metetdaktsü.
Sentong nung tetushia süa jaokerji Principal Modern College, Dr. H.P. Singh liasü aser pai mapa manguba aser sensakba khurettem koktettsü atema lanurtem skills ajanga tashi itdaktsütsü tayongzükba agütsü.
India nütsüng yongsük nung arishi küm 20 nungi 40 tsüngda alirtem teimba lir aser tang asenoki skill development programme balala ajanga lanurtem sayutettsüla, ta paisa shisem.
Iba sentong nung technical session mapang shisalen sayurtemji Asstt. Director, Employment, Skill Development & Entrepreneurship, Zubemo Lotha, SA Department of Postal Services, Daniel Domeh aser DWO, Department of Social Welfare, Bino nungertem liasü.