July 15 nü India nung ‘The BFG’ film sayatsü

New Delhi, June 28 (Agencies) : Film yanglur tejen Steven Speilberg indang ‘The BFG’ film July 15 nü India nung sayatsü sentong lir.
Reliance Entertainment-i iba film ya India ajungalen oshi pezü – English, Hindi, Tamil aser Telugu nung sayatsü sentong lir.
Iba film indang otsü ya Roald Dahl-i züluba novel nungi agizüka Melissa Mathison-i zülu.
“BFG ajanga kü taküm nung kanga kongshi kechiyong ni tanur asüdang kaket azüngba rongnung iba ya mezüng liasü” ta Spielberg-i sangdong ka nung metetdaktsü.
“Ni ozü tanurtem atema BFG (Big Friendly Giant) asütsü akok. Ni parnok dang iba otsü ashidang parnoki kanga temulung agüja anga. Anungji, ni parnok dang BFG ola jilu benshia otsü ashi” ta paisa shisem.
Iba film nung Mark Rylance, Ruby Barnhill, Penelope Wilton, Jemaine Clement, Rebecca Hall, Rafe Spall aser Bill Hader nungeri shilem agi.