Chetan Bhagat’er tesüsaba otsükakaket Diwali mapang sayatsü

New Delhi, June 28 (Agencies): India nunger nungtugu otsükaket zülur, Chetan Bhagat-i tesüsa züluba otsükaket taküm Diwali mapang sayatsü renemba osang metetdaktsüogo.
“Tetsüri tongti shilem agiba otsükaket ka tembanga züluogo. Iba otsü ya ajak den lemsateptsü yongyaseter. Iba otsükaket tasenba ya taküm Diwali mapang sayatsü,” ta arishi küm 42 tain Bhagat-i Twitter ajanga metetdaktsü.
Bestseller otsükaket 7 tashi taoba mapang zülusang, Bhagat-i tan sayatsü renemba otsükaket ya tetsür tangatetba nung ajemdaker züluba otsükaket ka alitsü.
Paisa züluba ‘Half Girlfriend’ otsükaket nung ajemdaker yangluba ‘Half Girlfriend’ film nung Bhagat-i shilem agiba osanga jangjaogo.
“Ni tan mezüngsüa film tetenzük nungi tatem tashi shilem agiogo. Film yanglutsü maparen ya kanga dang tasak lir. Aji oda, tan film nung shilem agiba sülen film yanglur aser shilem agirtem nem akhüm agütsütsü angazükogo,” ta Bhagat-isa metetdaktsü.
Mohit Suri-i direct süa yangluba ‘Half Girlfriend’ film nung Arjun Kapoor aser Shraddha Kapoor nati tongti shilem agia lir.