US-i aortem dang Facebook, Twitter osang asüngdangtsü

Washington, June 29 (Agencies): Bendangertemi United States (US) semdangdang kiralongraba den tesentaktep aliba indang screening nung yaritsü atema parnok dang social media accounts asüngdangtsü atema federal sorkari benokogo.
Ajisüaka Visa Waiver Program kübok linük kar sensotem visa meliaka anogo 90 tashi US semdangtsü temelaba angurtem dangbo social media accounts osang masüngdangtsü.
“Social media data bendenba ajanga tang aliba investigation inyakyim nung yaritsü aser sentong tamajung alir nisungtem jangjatsü atema DHS tejangjaba akumtsü,” ta Customs and Border Protection agency-i ashi.
Visa Waiver Program kübok tenokdangba kar bendenloktsü atema yaküm Congress-i ozüng ka agizükba sülen tang iba temepishiba tasen benokogo.
Yaküm November ita nung kiralongrartemi France yimtiba, Paris amakba sülenbo kiralongrartem den tesentaktep alir Europe nung asortem mesüra sensotem United States telungi aittettsü südi ta arendaka iba ya benok.
Yaküm December ita nung San Bernardino, California amaker kiralongrar ana tsüngda internet online ajanga tongtepratepa jihadi rara aser pei taküm bendanga agüja asütsü atema o lemtepa liasü, ta ozüng amer ketdangsertemi ashi.