Phelps-i 5 buba Olympics nung shilem agitsü

Omaha, June 30 (Agencies): Taoba mapang Olympic gold medal 18 tashi agizüksang, America nunger Michael Phelps-i 2016 Rio Olympics nung shilem agitsü temeten yashi Bodbar nü nguogo.
Phelps-i tan Olympics nung shilem agitsü temeten anguba sülen pa America nunger tzüwar rong nung Olympics nung 5 ben tashi shilem agitsü temeten angur tzüwar mezüngbuba akümer lir.
US swimming trials tetoktepba nung Phelps-i minute 1 ser second 54.84 nung 200m butterfly alizüng tonga Olympics nung shilem agitsü jenjangji ajangzük.
Tanü tashi nung ajak agi Olympic medal 22 tashi agizüksang, Phelps-i 200m fly tzüwatsü tetoktepba nung shilem agia, 2000 küm Olympics nung mezüngsüa shilem agia liasü.