Mokokchung nung Isak Chishi mangyim sentong agi

Mkg. June 30 (TYO) : NSCN nung mendenbuba aser GPRN nung tir Wb. Isak Chishi Swu asüba mangyim sentong ka Brehostibar anüngdang Mokokchung nung Ao Sendeni ayongzüka agiogo.
Iba sentong  ya AKM Conference hall nung liasü aser Watsü Mungdang, AKM, Concern Citizens’ Forum, Senior Citizens’ Forum, Mokokchung Town Aor Telongjem aser Mokokchung Town Lanur Telongjem nungi lenirtem arua iba sentong nung shilem agia liasü.
Iba sentong nung jembirtemi NSCN/GPRN lenir Isak Chishi Swu asüba atema mangyim jashi kinunger aser Naga nungertem den lemsatepba mapang asüri pa taküm ajak bendanga agüja Naga nunger temeten asoshi inyakba atema tetushi agütsü.