Tripura nung sorkar doctor temi nija mapa inyakba anenogo

Agartala, August 01 (Agencies): High Court tetuyuba nung ajemdaker Honibar nü nungi tenzüka Tripura nung sorkar doctor temi nija mapa inyakba anenogo, ta osang ka ajanga metetdaktsü.
All Tripura Government Doctors’ Association (ATGDA) aser Tripura chapter of the Indian Medical Association (IMA)-i iba tetuyuba anemer, aser ibaji reprangshimtsü atema parnoki Tripura High Court nung temepishiba ka benokogo.
Tan ita tetenzüklen PK Paul lenisüba nung association anapornglai (ATGDA aser IMA) Health Secretary M. Nagaraju ajurua health department tetuyubagji agientsüla ta mepishiogo.
May 29 nü court-i tuyuba nung ajemdaker Health Department-i sangdong ka ajanga, sorkar doctor temi nija nung meinyaktsüla saka sorkar hospital tem nung dang nendaka inyaktsüla, ta metetdakja liasü.
Tanü shirangertem aika sorkar doctor temi lapokba nija clinic temi oa liasü, saka parnok dang sorkar hospital-i oat a ashi.
“Sorkar hospital tem nung shirangertem aika aliba ajanga doctor den junga ajurua jembitsü makoker. Iba dak alia specialist doctor tembo mapang ajak nungbo majuruteter,” ta shiranger tantsür ka jala Bimal Roy-i ashi.