Tir Pranab aser WB CM Mamata nati Darjeeling semdangtsü

Darjeeling, July 03 (Agencies): July 12, 2016 nü Tir, Pranab Mukherjee-i West Bengal Chief Minister, Mamata Banerjee aser state Angh, Keshari Nath Tripathi na den külemi Darjeeling semdangtsü sentong lir.
Nepali nunger sangro zülur, Bhanubhakta Acharya asoba anogomung, July 13 nü Darjeeling nung Mukherjee-i sentong ka nung jembitsü, ta yangi aliba ketdangsertem osang ka ajanga ashi.
Tawa North Bengal sema senzüdang Chief Minister, Mamata-ia Tiri Darjeeling semdangtsü, ta sangdonga liasü.
Tiri anogo asemnü Darjeeling semdangtsü aser state sorkari pa nem tetushi agütsütsü, ta Banerjee-i metetdakja liasü.
Ano külen, anogo ishika tejaklen Tiri semdangtsü aliba dak sentakba nung pa senzütsü aser security renemshitsü atema Darjeeling District Magistrate senden menogo.
Mukherjee-i tesüsabuba Darjeeling semdangbaji 2013 küm November 10 nü liasü.
Iba mapang nung Mukherjee-i Darjeeling nung St Joseph School küm 125 ajungba benjungmung lapokja liasü.