Johnny Depp-i art auction ajanga USD 11.5 million aazük

Los Angeles, July 03 (Agencies): Hollywood actor, Johnny Depp-i auction ka nung painting ana ayokba sülen pa indang bank balance nung US sen million 11.5 bendenlokogo.
Arishi küm 53 old Johnny-i Christie’s auction house, London, England nung American artist, Jean-Michel Basquiat indang paintings 8 unload asü, ta MTV online osang ajanga metetdaktsü.
Iba auction ajanga Depp-i Basquiat indang painting ana nungi tajangzük kanga angu. Pork ajanga USD 3.35 million yokzüktsü imlaa liasü saka USD 6.8 million yokzük, aser ibaji iba aonung sen timba yokzükba painting liasü.
Depp-i 1998 küm Los Angeles gallery Blum & Poe nung acrylic, oil aser oilstick painting ji alizüka liasü.