Matamabensar nem sorkar mapa shilem 3 wazüka yutsütsüla:SC

New Delhi, July 04 (Agencies): Supreme Court (SC)-i sorkar ajak dang service ajak nung Persons with Disability (PWD) tem mapa nung anioktsü atema telatetba kecha makai shilem 3 wazüka yutsütsüla, ta metetdaktsü.
Justices J Chelameswar aser Abhay Manohar Sapre nati akümba SC bench-i, “Disabilities (Equal Opportunities, Protection of Rights and Full Participation) Act, 1995 mapa küma benoker küm aika aruyonga sorkar mapa nung PWD tem shilem asem dak tekübok asüba ya tejashitsüka lir,” ta metetdaktsü.
Bench-isa, “Onoki maneni sorkar dang Group A aser Group B nung item mapa tazüng atsüngtsü atema telatetbatem mesükshii PWD nem mapa shilem asem agüjang ta tuyur,” ta ashi.
Department of Personnel and Training (DoPT)-i temepishiba shidi ana agütsübaji ozüng alema lir, ta bench-isa ashi.
February 1997 aser December 2005 nung agütsüba temepishiba shidi ajanga Group A aser B nung PWD nem mapa shilem asem agütsütsü memelung.
Item temepishiba shidi anema Prasar Bharati nung inyaker PWD kari temepishiba ka agütsüba nung ajemdaker court-i iba tetuyuba agütsü.