Tour de France: Kittel-i Stage 4 akok

Limoges, July 05 (Agencies): Germany nunger cycle toktepa anishir, Marcel Kittel-i kilometer 237.5 talang alizüng mezüng tonga tang tasayadak Tour de France stage 4 tanü, Hombar nü kokogo.
Temang mejungi akümba den külemi, yiruba ajanga yaküm tetoktepba nung shilem magitetsang, Kittel-i France nunger Bryan Coquard den tekaraba mapang nung alizüng tonga, Tour de France nung talangtiba stage tanü koka liasü.
Tan takok anguba ya Kittel-i Tour de France tetoktepba nung shilem agitsü tenzüker tanü tashi nung stage 9 buba akoker lir.
“Ni tanü takok anguba ya ni mezüngsüa stage takokba angur ama bilemer. Ni tanaben Tour de France nung toktepa shilem agitsü maongka anguba den külemi, stage takokba anguba atema kanga pelar,” ta Kittel-i metetdaktsü.
World champion, Slovakia nunger Peter Sagan-i tanü 3 buba jenjang ang angu saka pai overall shilem nung temaba jenjang ngua, nungtugu yellow jersey maneni asemtsü temeten ngua liasü.