DDCF & MCD-i Id-ul- Fitr salem metetdaktsür

Dimapur, July 6 (TYO) : Dimapur District Citizens Forum (DDCF)-i Nagaland nung Muslim nunger ajak den ‘Ramazan’ ita takok ngua tembangba sülen Id-ul- Fitr amungba benjung salem abener, ta DDCF President, Joseph Lemtur-i sangdong ka nung metetdaktsü.
Muslim Council Dimapur (MCD)-ia sangdong ka nung Nagaland nung alirtem ajak dangi IDD salem abenba metetdaktsüogo.
July 7, 2016 nü Id-ul- Fitr amunger aser iba benjung ajanga loktiliba nung tepela aser tesünep bener arutsütsü moatsür, ta MCD Working President, A. Rahman-i sangdong nung shia lir.