China nung nisung million 10 shi Twitter amshir

Washington, July 07 (Agencies): Alima ajunga nung nüburtemi kanga dang sapua amshiba microblogging website, Twitter amshir nisung million 10 shi China nung aliba osang ka TechCrunch-i metetdaktsüogo.
Alima ajunga nung nisung million 310 shi Twitter ya amshir aser China nung 2009 küm nungi tenzüka Twitter mamshitsü tenokdangba benokaka, China nunger nütsüng yongsük nisung billion 1.4 rong nungi parnok nisung million 10 shi tanga Twitter amshiba osang bushitetogo.
Taoba mapang Twitter mamshitsü tenokdangba benokba jakdang China nung nisung million 35.5 shi Twitter kanga sapua amshiba osang bushiteta liasü.