Hollywood nung sen timtiba aaer rongnung medener:Scarlett Johansson

Los Angeles, July 07: Actress Scarlett Johansson-i Hollwood nung sen timtiba aazüker rongnung medennüba olen ka metetdaktsüogo.
Hollywood nung sen timtiba aazüker rongnung Johansson-a densema aliba osang tawa metetdakja lir.
Box Office Mojo osangi  ashiba agi, Johansson-i US box office nung ajak agi dollar sen billion 3.3 aazükogo aser ibaji ajanga la Hollywood nung sen timtiba aazüker 10 buba kümogo.
Aji oda süaka, “The Avengers” film nung shilem agila, Johansson-i iba tarensen nung medener ta ashir.
“Iba tarensen nung tetsür ni dang asübaji tepelatsüaka lir,” ta Johansson-i TV sentong “Extra TV” nung ashi.
“Tetsür ni dang asübaji ano khen bilemtsübo tezütangtsüka lir,” ta arishi küm 31 tain, Johansson-i shisem.