Arunachal nung NSCN(R) telungpur 4 tepset

Guwahati, July 07 (Agencies): Brihostibar anepdang Arunachal Pradesh, Khunsa tesem nung Assam Rifles den kahtepdang tajemba agi NSCN(R) telungpur pezü tepset, ta ketdangsertemi ashi.
Osang ajanga ashiba agi, Assam Rifles telok kati Myanmar den arrtsü süa aliba state tezülen telungpur telok atsüka aliba tesemji mita ao.
“Sepaitem iba tesemji atongdang telungpurtemi injang akah aser onoki kahteptsüsa akum, iba mapang nung iba tesem nungji telungpur pezü khaset,” ta Assam Rifles sangdong ka ajanga ashi.
Ammang asüba yong tangartemji iba tesem nungi jena otet, ta parokisa ashi.
Asürtem ket nungi security sepaitemi AK-56 rifles ana, pistol ana aser injang aika ngutet.
Police aser army ketdangsetem iba tesem jagi arüsanga ao aser jena aoba telungpurtem aputsü atema operation tenzük, ta kasa osang ajangasa metetdaktsü.