Egypt Army-i kiralongrar 88 tepsetogo

Cairo, August 2 (Agencies): Italy meyong official ki, consulate July 11 nü poksatsüba sülen North Sinai region nung Islamic State (IS) makdoktsü maparen tenzüka Egypt army temi kiralongrar 88 tashi tepsetogo.
Army otongdar Brigadier General Mohamed Samir-i ashiba agi, Sinai peninsula nung item nisungtem ya July 20 nungi July 31 tashi nung tepsetba lir.
July 11 nü Italy meyong official ki poksatsübaji IS teloki tenüng agiogo. Jihad teloki küm ana tejaklen linük security anema tenzükba sülen Egypt nung tanga linük mission nung teka aibaji tan ya mezüng lir.
Iba ki poksatsüba mapang civilian ka den tangar tuko yirua liasü.
Samir-i, army temi mita aoba mapang bushia aliba ozüng alema mapa tamajung inyaker ana den kiralongrar ta temulung melemi bilemer parnok 56 tashi puogo. Iba den külemi kiralongrartemi security tem amakdang amshiba gari 40 den motorcycle kaket tejangja mali 36 pua lir, ta ashi.