Nükpokertem kija kentenba tetoktepba nung Lino-i takok angu

Dimapur, July 10 (TYO): Naga Blind Association küm 15 ajungba nüngtem nung IMC Hall, Dimapur nung Honibarnü kijai kentenba tetoktepba ka ayongzüka liasü, aser iba tetoktepba nung state tesem balala nungi nükpokertemi shilem agi.
Iba tetoktepba nung shilem agir nisung tukupronglai asükshijang merongtsüsa shilem tajung agia liasü.
Iba tetoktepbaji round ana tashi liasü aser tetendangertemji kentener telok ‘Avancer’ nungi Obang Jamir aser Tiakaba Longkumer na liasü. Tatemsa iba tetoktepba nung Lino-i tematiba takok angu aser tanabuba jenjangji Ajungla-i ngua liasü.
Ano final round tashi nung toktepertemji Asune, Meianmang aser Toito nunger liasü.
Kasa tetoktepba sentong nung Voice of Nagaland aser Soul Kitchen telokia temeja ken tena liasü.
Naga Blind Association-i solo aser essay writing tetoktepba takok ngua agitettsüsa yariteper nija, lokti tentet balala aser department ajak dang kanga pelar, ta Naga Blind Association Tir, K Yapang Lkr aser Organising Committee Convenor, Medem Imsong nati sangdong ka ajanga metetdaktsü.
Parnokisa tsünglanglen agüja alirtem dang balaka pelaba metetdaktsü.
1. Shri Kiyanilie Peseyie, Social Security, Welfare & Parliamentary Affairs Minister.
2. Shri Merangtsungba Aier, Director Social Security, Welfare & Staff
3. Shri T.N Manen (IAS) Advisor NBA
4. Shri Chuba Pongen, Proprietor IMC
5. Shri Mongkum Jamir Advisor NBA
6. Shri Akumtoshi Proprietor Crecendo
7. Aniela Seyie Keretsu (Voice of Nagaland), Solo competition tentendangertem- Opang Jamir (Avancer) aser Tiakaba Longkumer (Naga Idol contestant)