Drishyam-i anogo ananü nung sen crore 17 aazük

Mumbai, August 2 (Agencies) : Ajay Devgn-i tongti shilem agiba “Drishyam” film sayar anogo ananü nung sen crore 17.45 aazükogo aser külen Salman Khan’er “Bajrangi Bhaijaan” ajanga maneni sen aazükdar aser kobi melii Rs 300 crore jenjang atongtsü amai ajiteter.
“Drishyam” film nung Ajay den Tabu o Shriya Saran natia shilem agir aser director ji Nishikant Kamat lir.
“Drishyam ajanga sen aika aazükdar. Hokolbarnü 8.05 cr, Honibarnü 9.40 cr. Ajak agi 17.45 cr,” ta trade analyst Taran Adarsh-i Twitter ajanga metetdaktsü.
Paisa ashiba agi, “Drishyam” ajanga sen aazüktsü tenzükogo aser külen Salman Khan-Kareen Kapoor nati shilem agiba “Bajrangi Bhaijaan” film onsara tajung.
“Bajrangi Bhaijaan hopta tasembuba. Hokolbarnü crore 4.11, Honibarnü crore 6.80 Ajak: crore 283.16” ta Adarsh-isa metetdaktsü.
“Drishyam” film ya Hokolbarnü saya aser iba film ya 2013 küm Mohanlal aser Meena nati shilem agiba Malayalam film nungi meyipzüka yangluba lir.