T. Senka Ao-i zuluba kaket “OH ALOKBA” sayaogo

Mokokchung , August 02 : Nüngtugu kaket zülur aser taoba Ao Milen Yim O Zülur Wb.T. Senka Ao-i züluba “OH ALOKBA” kaket Mokokchung Town Hall nung August 1 nü Ongpangkong Kaketshir Mungdang-i Tsüngremmung ayongzükba sentong nung tongti tesemdanger Wb.Limameren Ao-i sayatsüogo.
OH ALOKBA ta asüba kaket ya T. Senka Ao-i pa Ao Milen osangkaket nung Yim O Zulur inyakba mapang nung OH ALOKBA ta 2737 tashi zülua adokba nungi nübur ajangzüktsü mechi nung kar agiteta kaket küma adokba kaket lir.
Arishi kum 71 tain T. Senka Ao ya Ao Milen osangkaket nung Yim O Zülur küm 20 tashi inyak aser pai tang agi Ao oshi nung kaket pungobuba zülua adokteta nübur nem tajangzük jenti dang agütsüdagi.
T. Senka Ao ya taoba mapang nung Ongpangkong Kaketshir Mungdang nung Sobaliba Zülur inyak, Ao Kaketshir Mungdang nung Tir inyak, Naga Student Union Shillong nung Tir inyak aser Naga Student Union Delhi nung Secretary inyak.
Iba Kaket ya senpak 250 yong ayoker aser Mokokchung nung talinürtemi ABAM Book Stall MTBA Basement nung angutsü.