India-i England den Tests 5, ODIs 3 & T20s 3 asayatsü

New Delhi, July 15 (Agencies): India’er cricket teloki England den Test asaya 5, One-Day Internationals (ODIs) asaya 3 aser Twenty 20 (T20) Internationls asaya 3 tashi sangküm, 2017 küm tashi nung India nung asayatsü renemba osang ka India ajunga nung cricket asayatsüren ketdang asür, Board of Control for Cricket in India (BCCI)-i tanü, Hokolbar nü metetdaktsüogo.
Tan Test asayatsü renemba ya tesüiba mapang, 1984-85 sülenbo tan mezüngsüa England aser India na tsüngda asaya 5 densemba Test series asayatsü renemer lir.
“Tan India nung Test asayatsü renemba ya Alastari Cook aser pai aniba England teloki tesüsa, 2012 küm India semdangdang Test series takok ngua asayaba ama, maneni takok ngua asayatsü maongka angur lir,” ta Andrew Strauss, Director England Cricket-i metetdaktsü.
“India aser England na tsüngda cricket asayaji jangratemsü asaya alitsü kechiyong England ya alima ajunga nung cricket kanga junga asayaba tongti telok ka lir,” ta India Test captain, Virat Kohli-ia metetdaktsü.