Syria nung tila tanurtem tepsetba maparen aitsür: UN

Beirut, July 21 (Agencies): Tang Syria nung talisa, par linük anüdoklentip tsütsülen tongpang raradang tila tanurtem tepsetba maparen aitsüba olen ka United Nations (UN)-i tanü, Brehostibar nü metetdaktsüogo.
Anogo ishika tejaklen nungi tenzüka US-i aniba alima teloktep mitkartemi par tayimtsü amshia amakdang, Manbij jila aser temüket tesemtem nung tila tanur 20 shi tepsetba osang bushitetba olen ka UN kübok tentetba UNICEF-i metetdaktsü.
Ajisüaka, Islamic State (IS) teloki tesep tentetdak, Manbij nung amakba maparen inyakdang tila tanurtem tepsetba mesüra metepsetba osang kecha memetetdaktsüi teloktep mitkartemi kasa tesem nung par amaktsü maparen tesashiba agitsü tenzüka lir.