NE nung ITI 22 amenoktsü; Nagaland nem 2 lemzüktsü

New Delhi, July 21 (Agencies): Lok Sabha senden nung Skill Development & Entrepreneurship Minister, Rajiv Pratap Rudy-i, Northeast tesem nung Industrial Training Institutes (ITIs) tasen 22 amenoktsü atema Centre sorkar sentong lir, ta metetdaktsü.
Rudy-isa, “Northeast tesem nung ITI tasen 22 amenoktsü atema Ministry of Skill Development &d Entrepreneurship-i ‘Enhancing skill development infrastructure in NE states and Sikkim’ ta ser scheme tasen ka benokogo,” ta metetdaktsü.
ITI tasen 22 rongnung Assam nem ITI pongu lemzüktsü, Arunachal Pradesh nem ITI pezü, Tripura nem ITI asem, Mizoram nem asem aser Nagaland, Manipur aser Meghalaya shia nem ITI anana aser Sikkim nem ITI ka lemzüktsü.
Rudy-i ashiba agi, ITI ka amenokba shia nung sen lakh 950 indoktsü; Iba nungjagi Sen lakh 855 ji Centre-i agütsütsü aser state shia sen lakh 95 inoktsütsü.
Paisa, ano “Setting up of 1,500 multi skill training institutes” ta ser scheme tasen ka benoktsü atema inyakdar, ta metetdaktsü.