Police-i Spanish café amaktsü ajungshirtem jangjaogo

Dhaka, July 24 (Agencies) : Dhaka nung aliba Spanish cafe amaktsü ajungshirtem Bangladesh Police-i jangjaogo, ta Deobarnü metetdaktsü. Iba lendong nung nisung 22 asü.
Dhaka Metropolitan Police Commissioner Asaduzzaman Mia-i, café amaktsü ajungshirtem ajak jangjaogo aser kobi melii parnok pua arutsü, ta osangbenertem dang ashi.
Tang busgisüngdang tagidak asüba agi pai iba dak sentakba otsü telung tonga ia rasaa mashi.
July 1, 2016 nü kiralongrartemi Dhaka nung aliba Spanish café ka amakdang bendanger parnok nisung 18 dena nisung 22 asü.
Iba tesem amaker parnok nisung trok rongnungi pongu kahset aser ka taküm apt, ajisüaka iba nisungji mozü kidang asü.